آج اس نے نقاب الٹا ہے
آج اس نے نقاب الٹا ہے
پردۂ آفتاب الٹا ہے
جلوہ فرما ہیں وہ لب دریا
منظر آب و تاب الٹا ہے
بحر ہستی میں مثل کاسۂ سر
دیکھیے ہر حباب الٹا ہے
آپ کا بھی کوئی جواب نہیں
بات کا ہر جواب الٹا ہے
راہ سیدھی کسے دکھائیں ہم
یہ زمانہ جناب الٹا ہے
پیش آئینہ لکھ رہے ہوں گے
میرے خط کا جواب الٹا ہے
حشر میں اور بھی تو تھے آصیؔ
اس نے میرا ہی باب الٹا ہے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
