aaj usne naqab ulTa hai

aaj us ne naqāb ulTā hai

parda-e-āftāb ulTā hai

jalva-farmā haiñ vo lab-e-dariyā

manzar-e-āb-o-tāb ulTā hai

bahr-e-hastī meñ misl-e-kāsa-e-sar

dekhiye har habāb ulTā hai

aap kā bhī koī javāb nahīñ

baat kā har javāb ulTā hai

raah sīdhī kise dikhā.eñ ham

ye zamāna janāb ulTā hai

pesh-e-ā.īna likh rahe hoñge

mere ḳhat kā javāb ulTā hai

hashr meñ aur bhī to the 'āsī'

us ne merā hī baab ulTā hai

aaj us ne naqab ulTa hai

parda-e-aftab ulTa hai

jalwa-farma hain wo lab-e-dariya

manzar-e-ab-o-tab ulTa hai

bahr-e-hasti mein misl-e-kasa-e-sar

dekhiye har habab ulTa hai

aap ka bhi koi jawab nahin

baat ka har jawab ulTa hai

rah sidhi kise dikhaen hum

ye zamana janab ulTa hai

pesh-e-aina likh rahe honge

mere KHat ka jawab ulTa hai

hashr mein aur bhi to the 'asi'

us ne mera hi bab ulTa hai