aaj wo phul bana husn-e-dil-ara dekha

aaj vo phuul banā husn-e-dil-ārā dekhā

sach huā pichhle baras jo bhī kahā thā dekhā

dhyān meñ laa.e tasavvur meñ basāyā dekhā

itnā hī ajnabī paayā use jitnā dekhā

kis vasīle se bhalā arz-e-tamannā karte

ham ne jis vaqt bhī dekhā use tanhā dekhā

kab se ehsās pe ik bojh liye phirte haiñ

kaash pūchho ki bharī bazm meñ kyā kyā dekhā

shāh-rāhoñ ke ghane peḌ kaTe haiñ jab se

chauñk uTThe haiñ jahāñ apnā bhī saayā dekhā

daf.atan aa gayā phir Dūbte sūraj kā ḳhayāl

shaam ke vaqt jo dariyā kā kinārā dekhā

aaj wo phul bana husn-e-dil-ara dekha

sach hua pichhle baras jo bhi kaha tha dekha

dhyan mein lae tasawwur mein basaya dekha

itna hi ajnabi paya use jitna dekha

kis wasile se bhala arz-e-tamanna karte

hum ne jis waqt bhi dekha use tanha dekha

kab se ehsas pe ek bojh liye phirte hain

kash puchho ki bhari bazm mein kya kya dekha

shah-rahon ke ghane peD kaTe hain jab se

chaunk uTThe hain jahan apna bhi saya dekha

dafatan aa gaya phir Dubte suraj ka KHayal

sham ke waqt jo dariya ka kinara dekha