aaj yun hasti-e-imkan-o-guman se nikle

aaj yuuñ hastī-e-imkān-o-gumāñ se nikle

Duub kar jaise makāñ sail-e-ravāñ se nikle

ratjage bolne lagte haiñ mirī āñkhoñ meñ

rū-ba-rū harf na jab koī zabāñ se nikle

shāḳh-e-hastī se na uḌ jaa.e kahīñ tā.ir-e-jāñ

jab talak tiir kisī shoḳh kamāñ se nikle

sab gulāb apne hī lagte haiñ chaman meñ lekin

koī to apnā saf-e-lāla-ruḳhāñ se nikle

ḳhāna-e-dil meñ utārā to hai sūraj 'fāḳhir'

kaun rokegā agar dhuup makāñ se nikle

aaj yun hasti-e-imkan-o-guman se nikle

Dub kar jaise makan sail-e-rawan se nikle

ratjage bolne lagte hain meri aankhon mein

ru-ba-ru harf na jab koi zaban se nikle

shaKH-e-hasti se na uD jae kahin tair-e-jaan

jab talak tir kisi shoKH kaman se nikle

sab gulab apne hi lagte hain chaman mein lekin

koi to apna saf-e-lala-ruKHan se nikle

KHana-e-dil mein utara to hai suraj 'faKHir'

kaun rokega agar dhup makan se nikle