aakash ki hasin fazaon mein kho gaya
ākāsh kī hasīn fazāoñ meñ kho gayā
maiñ is qadar uḌā ki ḳhalāoñ meñ kho gayā
katrā rahe haiñ aaj ke suqrāt zahr se
insān maslahat kī adāoñ meñ kho gayā
shāyad mirā zamīr kisī roz jaag uThe
ye soch ke maiñ apnī sadāoñ meñ kho gayā
lahrā rahā hai saañp sā saaya zamīn par
sūraj nikal ke duur ghaTāoñ meñ kho gayā
motī sameT laa.e samundar se ahl-e-dil
vo shaḳhs be-amal thā duāoñ meñ kho gayā
Thahre hue the jis ke tale ham shikasta-pā
vo sā.ebāñ bhī tez havāoñ meñ kho gayā
aakash ki hasin fazaon mein kho gaya
main is qadar uDa ki KHalaon mein kho gaya
katra rahe hain aaj ke suqraat zahr se
insan maslahat ki adaon mein kho gaya
shayad mera zamir kisi roz jag uThe
ye soch ke main apni sadaon mein kho gaya
lahra raha hai sanp sa saya zamin par
suraj nikal ke dur ghaTaon mein kho gaya
moti sameT lae samundar se ahl-e-dil
wo shaKHs be-amal tha duaon mein kho gaya
Thahre hue the jis ke tale hum shikasta-pa
wo saeban bhi tez hawaon mein kho gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
