aaKHir ko rah-e-ishq mein hum sar ke bal gae

āḳhir ko rāh-e-ishq meñ ham sar ke bal ga.e

mushkil meñ haath paañv hamāre nikal ga.e

kis kis ko yaad kar ke koī ro.e ai falak

āñkhoñ ke aage laakh zamāne badal ga.e

ushshāq-e-lucknow kī kashish dekh ai masīh

london ke ḳhūb-rū bhī farañgī-mahal ga.e

apnā surāġh pūchhte phirte haiñ maut se

āfat-zadoñ ke hijr meñ naqshe badal ga.e

badlo radīf aur paḌho sher ai 'munīr'

kyā fā.eda jo us ke qavāfī badal ga.e

aaKHir ko rah-e-ishq mein hum sar ke bal gae

mushkil mein hath panw hamare nikal gae

kis kis ko yaad kar ke koi roe ai falak

aankhon ke aage lakh zamane badal gae

ushshaq-e-lucknow ki kashish dekh ai masih

london ke KHub-ru bhi farangi-mahal gae

apna suragh puchhte phirte hain maut se

aafat-zadon ke hijr mein naqshe badal gae

badlo radif aur paDho sher ai 'munir'

kya faeda jo us ke qawafi badal gae