آخرش آ گئے عیادت کو ان کو توفیق ہو گئی شاید

آخرش آ گئے عیادت کو ان کو توفیق ہو گئی شاید

سخت بیمار میرے ہونے کی آج تصدیق ہو گئی شاید

میں چلی لے کے اپنے آنچل میں پیار چاہت وفا کے گل بوٹے

ٹوٹی امید پھول مرجھائے دل میں تفریق ہو گئی شاید

گدیاں غاصبوں کے قبضے میں عدلیہ مجرموں کی مٹھی میں

ہے سیاست کے جال میں منشور پھر سے توثیق ہو گئی شاید

صرف ملکوں ہی پر نہیں موقوف سرحدیں تو دلوں میں ہیں موجود

بٹ گئے مال و زر کہیں ماں باپ اس کی تصدیق ہو گئی شاید

در حقیقت جو مجھ میں زندہ ہے میرے اللہ کا کرشمہ ہے

جس انا کا وجود تھا ہی نہیں اس کی تخلیق ہو گئی شاید