aaKHiri dukh hai zindagi ka dukh

āḳhirī dukh hai zindagī kā dukh

zindagī ya.anī bebasī kā dukh

ham na ro.eñ to aur ro.e kaun

shāḳh se TuuTī har kalī kā dukh

aur bahut dukh haiñ zindagī meñ dost

tū nahīñ merī zindagī kā dukh

maiñ kisī pal sā dekhtā huuñ mahz

ek bahtī huī nadī kā dukh

kuchh charāġhoñ ne baañT rakhā hai

duniyā keī saarī tīrgī kā dukh

ek muddat se ro nahīñ paayā

aaj ro.ūñgā maiñ sabhī kā dukh

dekhiye maiñ jo huuñ bahut ḳhush huuñ

mujh ko mālūm hai ḳhushī kā dukh

maiñ idhar taḌpūñ vo udhar taḌpe

yahī hai 'vīr' dil-lagī kā dukh

aaKHiri dukh hai zindagi ka dukh

zindagi yani bebasi ka dukh

hum na roen to aur roe kaun

shaKH se TuTi har kali ka dukh

aur bahut dukh hain zindagi mein dost

tu nahin meri zindagi ka dukh

main kisi pal sa dekhta hun mahz

ek bahti hui nadi ka dukh

kuchh charaghon ne banT rakha hai

duniya kei sari tirgi ka dukh

ek muddat se ro nahin paya

aaj rounga main sabhi ka dukh

dekhiye main jo hun bahut KHush hun

mujh ko malum hai KHushi ka dukh

main idhar taDpun wo udhar taDpe

yahi hai 'wir' dil-lagi ka dukh