آخری دکھ ہے زندگی کا دکھ
آخری دکھ ہے زندگی کا دکھ
زندگی یعنی بے بسی کا دکھ
ہم نہ روئیں تو اور روئے کون
شاخ سے ٹوٹی ہر کلی کا دکھ
اور بہت دکھ ہیں زندگی میں دوست
تو نہیں میری زندگی کا دکھ
میں کسی پل سا دیکھتا ہوں محض
ایک بہتی ہوئی ندی کا دکھ
کچھ چراغوں نے بانٹ رکھا ہے
دنیا کی ساری تیرگی کا دکھ
ایک مدت سے رو نہیں پایا
آج روؤں گا میں سبھی کا دکھ
دیکھیے میں جو ہوں بہت خوش ہوں
مجھ کو معلوم ہے خوشی کا دکھ
میں ادھر تڑپوں وہ ادھر تڑپے
یہی ہے ویرؔ دل لگی کا دکھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
