aalam-e-rozgar ko aasan bana diya

Asghar Gondvi

aalam-e-rozgar ko aasan bana diya

Asghar Gondvi

MORE BY Asghar Gondvi

    ālām-e-rozgār ko āsāñ banā diyā

    jo ġham huā use ġham-e-jānāñ banā diyā

    maiñ kāmyāb-e-dīd bhī mahrūm-e-dīd bhī

    jalvoñ ke izhdihām ne hairāñ banā diyā

    yuuñ muskurā.e jaan kaliyoñ meñ paḌ ga.ī

    yuuñ lab-kushā hue ki gulistāñ banā diyā

    kuchh shorishoñ nazr huā ḳhūn-e-āshiqāñ

    kuchh jam ke rah gayā use hirmāñ banā diyā

    ai shaiḳh vo basīt haqīqat hai kufr

    kuchh qaid-e-rasm ne jise īmāñ banā diyā

    kuchh aag havas meñ to tāmīr-e-ishq

    jab ḳhaak kar diyā use irfāñ banā diyā

    kyā kyā quyūd dahr meñ haiñ ahl-e-hosh ke

    aisī fazā-e-sāf ko zindāñ banā diyā

    ik barq thī zamīr meñ fitrat ke maujzan

    aaj us ko husn o ishq sāmāñ banā diyā

    majbūri-e-hayāt meñ rāz-e-hayāt hai

    zindāñ ko maiñ ne rauzan-e-zindāñ banā diyā

    vo shorisheñ nizām-e-jahāñ jin ke dam se hai

    jab muḳhtasar kiyā unheñ insāñ banā diyā

    ham us nigāh-e-nāz ko samjhe the neshtar

    tum ne to muskurā ke rag-e-jāñ banā diyā

    bulbul ba-āh-o-nāla va gul mast-e-rañg-o-bū

    mujh ko shahīd-e-rasm-e-gulistāñ banā diyā

    kahte haiñ ik fareb-e-musalsal hai zindagī

    us ko bhī vaqf-e-hasrat-o-hirmāñ banā diyā

    aalam se be-ḳhabar bhī huuñ aalam meñ bhī huuñ maiñ

    saaqī ne is maqām ko āsāñ banā diyā

    us husn-e-kārobār ko mastoñ se pūchhiye

    jis ko fareb-e-hosh ne isyāñ banā diyā

    aalam-e-rozgar ko aasan bana diya

    jo gham hua use gham-e-jaanan bana diya

    main kaamyab-e-did bhi mahrum-e-did bhi

    jalwon ke izhdiham ne hairan bana diya

    yun muskurae jaan si kaliyon mein paD gai

    yun lab-kusha hue ki gulistan bana diya

    kuchh shorishon ki nazr hua KHun-e-ashiqan

    kuchh jam ke rah gaya use hirman bana diya

    ai shaiKH wo basit haqiqat hai kufr ki

    kuchh qaid-e-rasm ne jise iman bana diya

    kuchh aag di hawas mein to tamir-e-ishq ki

    jab KHak kar diya use irfan bana diya

    kya kya quyud dahr mein hain ahl-e-hosh ke

    aisi faza-e-saf ko zindan bana diya

    ek barq thi zamir mein fitrat ke maujzan

    aaj us ko husn o ishq ka saman bana diya

    majburi-e-hayat mein raaz-e-hayat hai

    zindan ko main ne rauzan-e-zindan bana diya

    wo shorishen nizam-e-jahan jin ke dam se hai

    jab muKHtasar kiya unhen insan bana diya

    hum us nigah-e-naz ko samjhe the neshtar

    tum ne to muskura ke rag-e-jaan bana diya

    bulbul ba-ah-o-nala wa gul mast-e-rang-o-bu

    mujh ko shahid-e-rasm-e-gulistan bana diya

    kahte hain ek fareb-e-musalsal hai zindagi

    us ko bhi waqf-e-hasrat-o-hirman bana diya

    aalam se be-KHabar bhi hun aalam mein bhi hun main

    saqi ne is maqam ko aasan bana diya

    us husn-e-karobar ko maston se puchhiye

    jis ko fareb-e-hosh ne isyan bana diya

    RECITATIONS

    Nomaan Shauque

    Nomaan Shauque

    Nomaan Shauque

    aalam-e-rozgar ko aasan bana diya Nomaan Shauque

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites