aalam-e-rang-o-naghma mein kaif bahut sahi magar

ālam-e-rañg-o-naġhma meñ kaif bahut sahī magar

be-ḳhud-e-sair-e-kā.enāt apnī taraf bhī ik nazar

un kī bhī aañkh ho ga.ī josh-e-alam se aaj tar

maiñ ne uThā.ī kyoñ nigāh ālam-e-dard meñ udhar

yuuñ na pahuñch sakegā tū un kī harīm-e-nāz meñ

ishq kī teġh-e-tez se aql se pahle jang kar

shakl-e-hasīñ dikhā.e jā parda-e-darmiyāñ uThā

shauq mirā hai pārsā ishq mirā hai mo'atabar

mere tamīz-e-shauq ko ek zamāna chāhiye

terā lahū abhī hai sard merī navā hai garm-tar

āh-e-sharāb-e-shauq kā kaif bahut ajiib hai

vo haiñ ki mujh se be-niyāz aur maiñ un se be-ḳhabar

terī fuġhāñ ne kar diyā sīna-e-gul ko chāk-chāk

'aḳhtar'-e-ḳhush-navā ḳhamosh 'aḳhtar'-e-ḳhush-navā Thahar

aalam-e-rang-o-naghma mein kaif bahut sahi magar

be-KHud-e-sair-e-kaenat apni taraf bhi ek nazar

un ki bhi aankh ho gai josh-e-alam se aaj tar

main ne uThai kyon nigah aalam-e-dard mein udhar

yun na pahunch sakega tu un ki harim-e-naz mein

ishq ki tegh-e-tez se aql se pahle jang kar

shakl-e-hasin dikhae ja parda-e-darmiyan uTha

shauq mera hai parsa ishq mera hai mo'atabar

mere tamiz-e-shauq ko ek zamana chahiye

tera lahu abhi hai sard meri nawa hai garm-tar

aah-e-sharab-e-shauq ka kaif bahut ajib hai

wo hain ki mujh se be-niyaz aur main un se be-KHabar

teri fughan ne kar diya sina-e-gul ko chaak-chaak

'aKHtar'-e-KHush-nawa KHamosh 'aKHtar'-e-KHush-nawa Thahar