aalam-e-zat mein jhanko koi kab achchha hai

ālam-e-zāt meñ jhāñko koī kab achchhā hai

dekhne vaale samajhte haiñ ki sab achchhā hai

rone lagtā huuñ to aate haiñ dilāse dene

sher paḌhtā huuñ to kahte haiñ ajab achchhā hai

jāntā huuñ tū kisī aur se mil kar ḳhush hai

chal tire pyaar meñ marne kā sabab achchhā hai

jab faqīroñ kī bhī kirdār-kushī kī tū ne

kaise mānegā koī terā nasab achchhā hai

haal pūchhā thā kisī ne tire dīdār ke ba.ad

baa.eñ pahlū ko dabāyā kahā ab achchhā hai

āḳhirī baar milā baiThā rahā saarī raat

jaane vaale kī ināyāt kā Dhab achchhā hai

tū vo dīpak hai ki shaidā.ī hazāroñ jis ke

mujh se be-yār-o-madadgār kā rab achchhā hai

aalam-e-zat mein jhanko koi kab achchha hai

dekhne wale samajhte hain ki sab achchha hai

rone lagta hun to aate hain dilase dene

sher paDhta hun to kahte hain ajab achchha hai

jaanta hun tu kisi aur se mil kar KHush hai

chal tere pyar mein marne ka sabab achchha hai

jab faqiron ki bhi kirdar-kushi ki tu ne

kaise manega koi tera nasab achchha hai

haal puchha tha kisi ne tere didar ke baad

baen pahlu ko dabaya kaha ab achchha hai

aaKHiri bar mila baiTha raha sari raat

jaane wale ki inayat ka Dhab achchha hai

tu wo dipak hai ki shaidai hazaron jis ke

mujh se be-yar-o-madadgar ka rab achchha hai