aalam ke doston mein murawwat nahin rahi

aalam ke dostoñ meñ muravvat nahīñ rahī

sharm-o-hayā-o-mehr va shafqat nahīñ rahī

zāhir meñ kyā rafīq kahāte haiñ aap kuuñ

lekin unoñ ke dil meñ mohabbat nahīñ rahī

milte haiñ rāstī siiñ jo koī kaj-nazar mile

ḳhvāboñ meñ pāk-bāz kī hurmat nahīñ rahī

har ḳhaar bul-havas ke kiye sohbat iḳhtiyār

to husn gul-ruḳhoñ meñ latāfat nahīñ rahī

nā-lāyqoñ meñ umr kuuñ karnāñ abas talaf

ham-sohbatī kī un meñ liyāqat nahīñ rahī

bhūle haiñ har sanam ke karishme pe hosh kuuñ

in zāhidoñ meñ kashf-o-karāmat nahīñ rahī

sifle hue aziiz aziiz ab hue ḳharāb

be-jauharoñ meñ qadr-e-sharāfat nahīñ rahī

mat ho bahār-e-gulshan-e-duniyā kā andalīb

is phūlban meñ bū-e-rifāqat nahīñ rahī

ab zāt-e-haq baġhair na rakh dostī 'sirāj'

aalam meñ āshnā.ī-o-ulfat nahīñ rahī

aalam ke doston mein murawwat nahin rahi

sharm-o-haya-o-mehr wa shafqat nahin rahi

zahir mein kya rafiq kahate hain aap kun

lekin unon ke dil mein mohabbat nahin rahi

milte hain rasti sin jo koi kaj-nazar mile

KHwabon mein pak-baz ki hurmat nahin rahi

har KHar bul-hawas ke kiye sohbat iKHtiyar

to husn gul-ruKHon mein latafat nahin rahi

na-layqon mein umr kun karnan abas talaf

ham-sohbati ki un mein liyaqat nahin rahi

bhule hain har sanam ke karishme pe hosh kun

in zahidon mein kashf-o-karamat nahin rahi

sifle hue aziz aziz ab hue KHarab

be-jauharon mein qadr-e-sharafat nahin rahi

mat ho bahaar-e-gulshan-e-duniya ka andalib

is phulban mein bu-e-rifaqat nahin rahi

ab zat-e-haq baghair na rakh dosti 'siraj'

aalam mein aashnai-o-ulfat nahin rahi