aalam ko usne naqsh-e-kaf-e-pa bana diya

aalam ko us ne naqsh-e-kaf-e-pā banā diyā

ya.anī banā diyā kabhī gaahe miTā diyā

hotī na tāb-e-jalva-e-pinhāñ kalīm ko

kyoñ tū ne parda-e-ruḳh-e-zebā uThā diyā

pūchhā jo us se hastī-e-ālam ke raaz ko

zālim ne apnā naqsh-e-kaf-e-pā dikhā diyā

ham ibtidā-e-soz-e-mohabbat meñ jal-bujhe

vo sham.a haiñ ki shaam se mujh ko bujhā diyā

goyā ki ham bhī naqsh-e-tamannā-e-ġhair the

banñe na paa.e the ki kisī ne miTā diyā

aalam ko us ne naqsh-e-kaf-e-pa bana diya

yani bana diya kabhi gahe miTa diya

hoti na tab-e-jalwa-e-pinhan kalim ko

kyon tu ne parda-e-ruKH-e-zeba uTha diya

puchha jo us se hasti-e-alam ke raaz ko

zalim ne apna naqsh-e-kaf-e-pa dikha diya

hum ibtida-e-soz-e-mohabbat mein jal-bujhe

wo shama hain ki sham se mujh ko bujha diya

goya ki hum bhi naqsh-e-tamanna-e-ghair the

banne na pae the ki kisi ne miTa diya