aam hai kucha-o-bazar mein sarkar ki baat

aam hai kūcha-o-bāzār meñ sarkār kī baat

ab sar-e-rāh bhī hotī hai sar-e-dār kī baat

ham jo karte haiñ kahīñ misr ke bāzār kī baat

log pā lete haiñ yūsuf ke ḳharīdār kī baat

muddatoñ lab pe rahī nargis-e-bīmār kī baat

kījiye ahl-e-chaman ab ḳhalish-e-ḳhār kī baat

ġhunche dil-tañg havā band nasheman vīrāñ

bā.is-e-marg hai mere liye ġham-ḳhvār kī baat

bū-e-gul le ke sabā kunj-e-qafas tak pahuñchī

laakh pardoñ meñ bhī phailī shab-e-gulzār kī baat

zindagī dard meñ Duubī huī lai hai 'rāhī'

aise aalam meñ kise yaad rahe pyaar kī baat

aam hai kucha-o-bazar mein sarkar ki baat

ab sar-e-rah bhi hoti hai sar-e-dar ki baat

hum jo karte hain kahin misr ke bazar ki baat

log pa lete hain yusuf ke KHaridar ki baat

muddaton lab pe rahi nargis-e-bimar ki baat

kijiye ahl-e-chaman ab KHalish-e-KHar ki baat

ghunche dil-tang hawa band nasheman viran

bais-e-marg hai mere liye gham-KHwar ki baat

bu-e-gul le ke saba kunj-e-qafas tak pahunchi

lakh pardon mein bhi phaili shab-e-gulzar ki baat

zindagi dard mein Dubi hui lai hai 'rahi'

aise aalam mein kise yaad rahe pyar ki baat