aam raste se haT ke aaya hun
aam raste se haT ke aayā huuñ
saarī duniyā se kaT ke aayā huuñ
merī vus.at tujhe Darā detī
apne andar simaT ke aayā huuñ
koī taaza sitam ki maiñ pichhle
hādsoñ se nimaT ke aayā huuñ
haañ mohabbat to maar detī hai
ye kahānī maiñ raT ke aayā huuñ
merī hālat se maap raste ko
maiñ kahāñ se palaT ke aayā huuñ
rāh-e-ġham ab Darā nahīñ saktī
ġham se hī to lipaT ke aayā huuñ
us kī shāḳhoñ pe phal nahīñ lagtā
jis shajar se maiñ kaT ke aayā huuñ
koī sūrat nahīñ hai juḌne kī
itne TukḌoñ meñ baT ke aayā huuñ
aam raste se haT ke aaya hun
sari duniya se kaT ke aaya hun
meri wusat tujhe Dara deti
apne andar simaT ke aaya hun
koi taza sitam ki main pichhle
hadson se nimaT ke aaya hun
han mohabbat to mar deti hai
ye kahani main raT ke aaya hun
meri haalat se map raste ko
main kahan se palaT ke aaya hun
rah-e-gham ab Dara nahin sakti
gham se hi to lipaT ke aaya hun
us ki shaKHon pe phal nahin lagta
jis shajar se main kaT ke aaya hun
koi surat nahin hai juDne ki
itne TukDon mein baT ke aaya hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
