aam sa ek shaKHs hai ye farhat-ehsas aap ka

'aam sā ik shaḳhs hai ye 'farhat-ehsās' aap kā

'ishq ne is ko banāyā hai magar ḳhaas aap kā

aap tanhā.ī meñ kab milte haiñ kuchh to boliye

ḳhatm kab hotā hai ā.īne meñ ijlās aap kā

aur kitnā paas aa.uuñ maiñ ki paas aa jaa.eñ aap

kuchh to kahiye aur kitnī duur hai paas aap kā

sāhibā ham ko gale se bhī lagā liije kabhī

kab talak qadmoñ meñ hī baiThā rahe daas aap kā

gosht mere jism kā tārīk ho jaatā hai kyoñ

shaam aate hī damak uThtā hai kyoñ maas aap kā

vo jo haiñ ik jauharī se ‘farhat-ullāh-ḳhān’ haiñ

ye lafangā jo hai ye hai ‘farhat-ehsās' aap kā

'am sa ek shaKHs hai ye 'farhat-ehsas' aap ka

'ishq ne is ko banaya hai magar KHas aap ka

aap tanhai mein kab milte hain kuchh to boliye

KHatm kab hota hai aaine mein ijlas aap ka

aur kitna pas aaun main ki pas aa jaen aap

kuchh to kahiye aur kitni dur hai pas aap ka

sahiba hum ko gale se bhi laga lije kabhi

kab talak qadmon mein hi baiTha rahe das aap ka

gosht mere jism ka tarik ho jata hai kyon

sham aate hi damak uThta hai kyon mas aap ka

wo jo hain ek jauhari se ‘farhat-ullah-KHan’ hain

ye lafanga jo hai ye hai ‘farhat-ehsas' aap ka