aamaj-gah-e-tir-e-sitam kaun hum ki aap

āmāj-gāh-e-tīr-e-sitam kaun ham ki aap

phir pūchhte haiñ aap se ham kaun ham ki aap

dil husn par nisār to kar duuñ bajā durust

jhelegā is ke ba.ad sitam kaun ham ki aap

duniyā se uTh chukā thā mohabbat kā e'tibār

qaa.em kiye hue hai bharam kaun ham ki aap

donoñ ne ittihād kī koshish zarūr kī

lekin rahā nibāh meñ kam kaun ham ki aap

roz-e-jazā jo dād-talab hoñge dād-ḳhvāh

us din karegā uzr-e-sitam kaun ham ki aap

tūfān-e-ashk-e-'nūh' kā ruknā muhāl hai

anjām de ye kār-e-aham kaun ham ki aap

aamaj-gah-e-tir-e-sitam kaun hum ki aap

phir puchhte hain aap se hum kaun hum ki aap

dil husn par nisar to kar dun baja durust

jhelega is ke baad sitam kaun hum ki aap

duniya se uTh chuka tha mohabbat ka e'tibar

qaem kiye hue hai bharam kaun hum ki aap

donon ne ittihad ki koshish zarur ki

lekin raha nibah mein kam kaun hum ki aap

roz-e-jaza jo dad-talab honge dad-KHwah

us din karega uzr-e-sitam kaun hum ki aap

tufan-e-ashk-e-'nuh' ka rukna muhaal hai

anjam de ye kar-e-aham kaun hum ki aap