aamad hai bahaaron ki koi baat kare hai

aamad hai bahāroñ kī koī baat kare hai

mahbūb mirā mujh se mulāqāt kare hai

āshiq ko sarokār nahīñ kār-e-jahāñ se

dil merā tamanna tirī din-rāt kare hai

hai apnā junūñ ishq kī badnāmī kā baa.is

vo ġhair kī mahfil meñ shikāyāt kare hai

haañ tujh ko vo fursat meñ bulā.eñge bahut jald

darbāñ tire āshiq se yahī baat kare hai

jab ḳhatm huī mai to nigāhoñ se pilāyā

saaqī tire rindoñ pe ināyāt kare hai

kis shaan se maqtal ko chalā āshiq-e-sādiq

is shahr meñ 'aḳhtar' kī har ik baat kare hai

aamad hai bahaaron ki koi baat kare hai

mahbub mera mujh se mulaqat kare hai

aashiq ko sarokar nahin kar-e-jahan se

dil mera tamanna teri din-raat kare hai

hai apna junun ishq ki badnami ka bais

wo ghair ki mahfil mein shikayat kare hai

han tujh ko wo fursat mein bulaenge bahut jald

darban tere aashiq se yahi baat kare hai

jab KHatm hui mai to nigahon se pilaya

saqi tere rindon pe inayat kare hai

kis shan se maqtal ko chala aashiq-e-sadiq

is shahr mein 'aKHtar' ki har ek baat kare hai