aana na samne kahin us samne ke baad

aanā na sāmne kahīñ us sāmne ke baa'd

tarjīh tum mujhī ko na do aa.ine ke baa'd

āñkhoñ ko apnī band na kar luuñ to kyā karūñ

ab dekhnā hī kyā hai tujhe dekhne ke baa'd

dil toḌnā to sahl hai lekin ye soch lo

joḌā na jā sakegā ye dil toḌne ke baa'd

ham jaisī dād-e-husn na degā ye aa.ina

āḳhir hamīñ ko dekhoge tum aa.ine ke baa'd

mahsūs ye huā ki jo māñgā thā mil gayā

tujh par nazar paḌī jo du'ā māñgne ke baa'd

dil TukḌe TukḌe ho ke bhī kahlā rahā hai dil

ā.īna aa.ina na rahā TūTne ke baa'd

bojhal tamām jism hai shal dast-o-pā 'vaqār'

manzil milī to kyā milī thak hārne ke baa'd

aana na samne kahin us samne ke ba'd

tarjih tum mujhi ko na do aaine ke ba'd

aankhon ko apni band na kar lun to kya karun

ab dekhna hi kya hai tujhe dekhne ke ba'd

dil toDna to sahl hai lekin ye soch lo

joDa na ja sakega ye dil toDne ke ba'd

hum jaisi dad-e-husn na dega ye aaina

aaKHir hamin ko dekhoge tum aaine ke ba'd

mahsus ye hua ki jo manga tha mil gaya

tujh par nazar paDi jo du'a mangne ke ba'd

dil TukDe TukDe ho ke bhi kahla raha hai dil

aaina aaina na raha TuTne ke ba'd

bojhal tamam jism hai shal dast-o-pa 'waqar'

manzil mili to kya mili thak haarne ke ba'd