aanch aaegi na andar ki zaban tak ai dil

aañch aa.egī na andar kī zabāñ tak ai dil

kitnī der aur mirī jaan kahāñ tak ai dil

had ziyāda se ziyāda kī koī to hogī

aur is hirs kā phailāv kahāñ tak ai dil

tajraba tajraba āzād rag-o-pai meñ rahā

kitnī afsurdagī hai dahr se jaañ tak ai dil

mahak uḌ jā.egī tafhīm ke lab khulne se

sahar iblāġh kā hai zabt-e-bayāñ tak ai dil

aks o ā.īne kī sūrat hai hamārā rishta

huuñ tire saath tū merā hai jahāñ tak ai dil

hairat-āsār ajab ḳhvāb liye baiThā huuñ

shāyad aa jaa.e koī merī dukāñ tak ai dil

shor se ahl-e-ḳhabar ke hai 'riyāz' āzurda

koī le jaa.e use be-ḳhabrāñ tak ai dil

aanch aaegi na andar ki zaban tak ai dil

kitni der aur meri jaan kahan tak ai dil

had ziyaada se ziyaada ki koi to hogi

aur is hirs ka phailaw kahan tak ai dil

tajraba tajraba aazad rag-o-pai mein raha

kitni afsurdagi hai dahr se jaan tak ai dil

mahak uD jaegi tafhim ke lab khulne se

sahar iblagh ka hai zabt-e-bayan tak ai dil

aks o aaine ki surat hai hamara rishta

hun tere sath tu mera hai jahan tak ai dil

hairat-asar ajab KHwab liye baiTha hun

shayad aa jae koi meri dukan tak ai dil

shor se ahl-e-KHabar ke hai 'riyaz' aazurda

koi le jae use be-KHabran tak ai dil