aandhi ki wo zad par the

āñdhī kī vo zad par the

lau ke apne tevar the

malba malba dekh to luuñ

aur yahāñ kis ke ghar the

merā jism thā shīshe kā

us ke haath meñ patthar the

chāroñ or se hamla thā

ham lekin muTThī bhar the

shāyad aadhā paanī thā

chhalke chhalke gāgar the

pagḌī un ke sar par thī

jin ke hāthoñ meñ sar the

bosīda sī kashtī thī

tūfānoñ ke manzar the

aap abhī kī baat karo

abtar the jab abtar the

aandhi ki wo zad par the

lau ke apne tewar the

malba malba dekh to lun

aur yahan kis ke ghar the

mera jism tha shishe ka

us ke hath mein patthar the

chaaron or se hamla tha

hum lekin muTThi bhar the

shayad aadha pani tha

chhalke chhalke gagar the

pagDi un ke sar par thi

jin ke hathon mein sar the

bosida si kashti thi

tufanon ke manzar the

aap abhi ki baat karo

abtar the jab abtar the