aangan mein mere dekhiye kab panw dhare wo

āñgan meñ mire dekhiye kab paañv dhare vo

jaatā huuñ qarīb us ke to hotā hai pare vo

bātoñ meñ lubhā kar kahīñ gum ho gayā ik din

shāyad mujhe yaad aatā hai ik shaḳhs are vo

is chāñd se chehre kī chamak aur kahīñ hai

lagtā hai sitāroñ se sadā maañg bhare vo

jaañ dushman-e-jānī se bachānī nahīñ mumkin

haañ jaan hī denī hai kisī ko to mare vo

be-ḳhauf hī jiite raho marnā hai bahar-hāl

buzdil hai agar koī to duniyā se Dare vo

is daur meñ ulTā huā meyār-e-sharāfat

khoToñ meñ gine jaate haiñ ham aur khare vo

aangan mein mere dekhiye kab panw dhare wo

jata hun qarib us ke to hota hai pare wo

baaton mein lubha kar kahin gum ho gaya ek din

shayad mujhe yaad aata hai ek shaKHs are wo

is chand se chehre ki chamak aur kahin hai

lagta hai sitaron se sada mang bhare wo

jaan dushman-e-jaani se bachani nahin mumkin

han jaan hi deni hai kisi ko to mare wo

be-KHauf hi jite raho marna hai bahar-haal

buzdil hai agar koi to duniya se Dare wo

is daur mein ulTa hua meyar-e-sharafat

khoTon mein gine jate hain hum aur khare wo