aankh chura kar nikal gae hushyari ki

aañkh churā kar nikal ga.e hushyārī kī

samajh ga.e tum bhī mauqe kī bārīkī

dariyā paar safar kī jab tayyārī kī

mausam ne har baar baḌī ġhaddārī kī

ab lagtā hai muḌ ke dekh to saktā thā

āḳhir had bhī hotī hai ḳhuddārī kī

baar baar ākāsh ne kī ātish-bāzī

raat manāyā ham ne jashn-e-tārīkī

shāyad sirf ujālā kar ke bujh jaa.e

shāyad niyyat badal jaa.e chiñgārī kī

dhaḌkan ko laġhzish kī chhūT nahīñ bilkul

dil ne itnī saḳht hidāyat jaarī kī

aankh chura kar nikal gae hushyari ki

samajh gae tum bhi mauqe ki bariki

dariya par safar ki jab tayyari ki

mausam ne har bar baDi ghaddari ki

ab lagta hai muD ke dekh to sakta tha

aaKHir had bhi hoti hai KHuddari ki

bar bar aakash ne ki aatish-bazi

raat manaya hum ne jashn-e-tariki

shayad sirf ujala kar ke bujh jae

shayad niyyat badal jae chingari ki

dhaDkan ko laghzish ki chhuT nahin bilkul

dil ne itni saKHt hidayat jari ki