aankh hairan hai ye sad-rangi-e-jalwa kya hai

aañkh hairāñ hai ye sad-rañgī-e-jalva kyā hai

shahr kahtā hai abhī aap ne dekhā kyā hai

kaun aayā hai pai-e-chāra-garī dekh to le

āḳhir ai dard-e-jigar terā irāda kyā hai

chhoḌ gulshan ko kisī rashk-e-chaman-zār ko dekh

zauq-e-nazzāra yahāñ bazm meñ rakkhā kyā hai

uf vo a.azā-shikanī niiñd meñ Duubī āñkheñ

zikr-e-mai-ḳhāna hai kyā tishna-e-sahbā kyā hai

ye bhī tadbīr hai tajdīd-e-ta.alluq kī 'shakeb'

pūchhiye jā ke vo apne ko samajhtā kyā hai

aankh hairan hai ye sad-rangi-e-jalwa kya hai

shahr kahta hai abhi aap ne dekha kya hai

kaun aaya hai pai-e-chaara-gari dekh to le

aaKHir ai dard-e-jigar tera irada kya hai

chhoD gulshan ko kisi rashk-e-chaman-zar ko dekh

zauq-e-nazzara yahan bazm mein rakkha kya hai

uf wo aaza-shikani nind mein Dubi aankhen

zikr-e-mai-KHana hai kya tishna-e-sahba kya hai

ye bhi tadbir hai tajdid-e-talluq ki 'shakeb'

puchhiye ja ke wo apne ko samajhta kya hai