آنکھ سے ایسے نظارے گر پڑے
آنکھ سے ایسے نظارے گر پڑے
آسماں سے جوں ستارے گر پڑے
کس کو آنا تھا جو آئے گا یہاں
ہم بھلا کس کے سہارے گر پڑے
مانگنے والوں نے مانگا اس قدر
ہاتھ ہم دونوں پسارے گر پڑے
ہوش میں آنے کو ہے اب میکدہ
لڑکھڑا کر رند سارے گر پڑے
اور پھر اونچی عمارت کے سبب
بھربھرا کر ہم ہمارے گر پڑے
گر پڑے ہیں آج ہم اس کی طرح
جوں سپاہی جنگ ہارے گر پڑے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
