aankh se jo nami nahin jati

aañkh se jo namī nahīñ jaatī

ġham kī shiddat sahī nahīñ jaatī

ik na ik baat aisī hotī hai

jo kisī se kahī nahīñ jaatī

merī to jaan par banī huī hai

aur tirī dil-lagī nahīñ jaatī

tū mire rū-ba-rū na ho jab tak

dil kī hālat kahī nahīñ jaatī

vaqt yuuñ to guzartā jaatā hai

hijr kī ik ghaḌī nahīñ jaatī

'umr pardes meñ guzārī par

des kī tishnagī nahīñ jaatī

jhuuT chehre pe darj hai tere

dāstāñ tak ghaḌī nahīñ jaatī

kar chukā paash paash vo dil ko

ġham kī shiddat sahī nahīñ jaatī

yuuñ mayassar mujhe sabhī kuchh hai

ek terī kamī nahīñ jaatī

rang ḳhushbū gulāb sab kuchh hai

dil kī be-raunaqī nahīñ jaatī

qasr-e-muim sukūt-e-ḳhalvat hai

dil kī par be-kalī nahīñ jaatī

ye jo talḳhī hai us ke lahje meñ

'shamsa' mujh se sahī nahīñ jaatī

aankh se jo nami nahin jati

gham ki shiddat sahi nahin jati

ek na ek baat aisi hoti hai

jo kisi se kahi nahin jati

meri to jaan par bani hui hai

aur teri dil-lagi nahin jati

tu mere ru-ba-ru na ho jab tak

dil ki haalat kahi nahin jati

waqt yun to guzarta jata hai

hijr ki ek ghaDi nahin jati

'umr pardes mein guzari par

des ki tishnagi nahin jati

jhuT chehre pe darj hai tere

dastan tak ghaDi nahin jati

kar chuka pash pash wo dil ko

gham ki shiddat sahi nahin jati

yun mayassar mujhe sabhi kuchh hai

ek teri kami nahin jati

rang KHushbu gulab sab kuchh hai

dil ki be-raunaqi nahin jati

qasr-e-muim sukut-e-KHalwat hai

dil ki par be-kali nahin jati

ye jo talKHi hai us ke lahje mein

'shamsa' mujh se sahi nahin jati