aankh to an-paDh hai aur nadan hai

aañkh to an-paḌh hai aur nādān hai

dil kī ḳhvāhish ek hī insān hai

is liye sab aage pīchhe haiñ mire

tujh se jo thoḌī bahut pahchān hai

ham khaḌe haiñ dil hathelī par liye

husn vāloñ par hī us kā dhyān hai

tere qadmoñ kī ziyāfat ke liye

maiñ ne chaukhaT par rakhā guldān hai

paas ik gaz bhī ḳhushī kā hai nahīñ

aur ġham kā puurā puurā thaan hai

hukm rab kā jab talak hotā nahīñ

zindagī kī maut ḳhud nigrān hai

kyā milī shohrat ki sab milne lage

vo bhī jin se duur kī pahchān hai

dil meñ hai hirs-o-havas kī bū bharī

aur phūloñ se sajā dālān hai

ġham bhī itrā kar ḳhushī se kah uThā

ye 'atā' to roz kā mehmān hai

aankh to an-paDh hai aur nadan hai

dil ki KHwahish ek hi insan hai

is liye sab aage pichhe hain mere

tujh se jo thoDi bahut pahchan hai

hum khaDe hain dil hatheli par liye

husn walon par hi us ka dhyan hai

tere qadmon ki ziyafat ke liye

main ne chaukhaT par rakha guldan hai

pas ek gaz bhi KHushi ka hai nahin

aur gham ka pura pura than hai

hukm rab ka jab talak hota nahin

zindagi ki maut KHud nigran hai

kya mili shohrat ki sab milne lage

wo bhi jin se dur ki pahchan hai

dil mein hai hirs-o-hawas ki bu bhari

aur phulon se saja dalan hai

gham bhi itra kar KHushi se kah uTha

ye 'ata' to roz ka mehman hai