aankhen hain surKH honT siyah rang zard hai
āñkheñ haiñ surḳh hoñT siyah rañg zard hai
har shaḳhs jaise mere qabīle kā fard hai
jab maiñ na thā to merī zamāne meñ guuñj thī
ab maiñ huuñ aur saare zamāne kā dard hai
sūraj meñ aaj jitnī tapish hai kabhī na thī
kyā kījiye ki ḳhuuñ hī rag o pai meñ sard hai
ham kis safar pe nikle ki shakleñ badal ga.iiñ
chehre pe jis ke dekho masāfat kī gard hai
chaltā rahe jo ābla-pā.ī ke bāvajūd
manzil kā mustahiq vahī sahrā-navard hai
aisā na ho sahar merī bīnā.ī chhīn le
bedāriyoñ se ab mirī āñkhoñ meñ dard hai
bikhrā huā huuñ ḳhvāhish-o-hasrat ke darmiyāñ
jaise mirā vajūd abhī fard fard hai
aankhen hain surKH honT siyah rang zard hai
har shaKHs jaise mere qabile ka fard hai
jab main na tha to meri zamane mein gunj thi
ab main hun aur sare zamane ka dard hai
suraj mein aaj jitni tapish hai kabhi na thi
kya kijiye ki KHun hi rag o pai mein sard hai
hum kis safar pe nikle ki shaklen badal gain
chehre pe jis ke dekho masafat ki gard hai
chalta rahe jo aabla-pai ke bawajud
manzil ka mustahiq wahi sahra-naward hai
aisa na ho sahar meri binai chhin le
bedariyon se ab meri aankhon mein dard hai
bikhra hua hun KHwahish-o-hasrat ke darmiyan
jaise mera wajud abhi fard fard hai
- Book : kulliyat -e-Murtaza Barlas (Pg. 77)
- Author : Murtaza Barlas
- Publication : Alhamd Publication Lahore (2011)
- Edition : 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
