aankhen lahuluhan kin daman bhi tar kiya

āñkheñ lahūluhān kiiñ dāman bhī tar kiyā

terī har ek baat ne dil par asar kiyā

kuchh to tabī.atan bhī the āvāra-gard ham

kuchh terī justujū ne hameñ dar-ba-dar kiyā

yuuñ to hamāre saath ka.ī log the magar

kāñToñ bharī zamīn pe tanhā safar kiyā

ham ne hī apne ḳhuun kā ġhāza diyā tujhe

ham ne hī tujh ko sinf-e-ġhazal mo'atabar kiyā

kis ne hamārī raah meñ kāñTe bichhā diye

kis ne hamārī raah ko dushvār tar kiyā

āḳhir udāsiyoñ ke siyah abr chhaT ga.e

koī to hai hamārā ki shab ko sahar kiyā

sachchā.iyoñ meñ lipTe hue jhuuT ke sabab

mushkil se e'tibār ke jañgal ko sar kiyā

aankhen lahuluhan kin daman bhi tar kiya

teri har ek baat ne dil par asar kiya

kuchh to tabiatan bhi the aawara-gard hum

kuchh teri justuju ne hamein dar-ba-dar kiya

yun to hamare sath kai log the magar

kanTon bhari zamin pe tanha safar kiya

hum ne hi apne KHun ka ghaza diya tujhe

hum ne hi tujh ko sinf-e-ghazal mo'atabar kiya

kis ne hamari rah mein kanTe bichha diye

kis ne hamari rah ko dushwar tar kiya

aaKHir udasiyon ke siyah abr chhaT gae

koi to hai hamara ki shab ko sahar kiya

sachchaiyon mein lipTe hue jhuT ke sabab

mushkil se e'tibar ke jangal ko sar kiya