aankhen thakan se chur hain larzish badan mein hai

āñkheñ thakan se chuur haiñ larzish badan meñ hai

ḳhushbū bahār-o-rang kahāñ ab chaman meñ hai

girtā hai saḳhtiyoñ ke sabab yuuñ vo rāhgīr

quvvat na hausla na junūñ jān-o-tan meñ hai

sahrā kī dhuup meñ jo jhulastā hai umr-bhar

pūchho ki kitnī tishnagī us ke dahan meñ hai

mere lahū se pyaas bujhā.eñge kuchh aziiz

itnī muḳhālifat mirī apne vatan meñ hai

rakkho mere janāze se shikve zarā se duur

itnī jagah lahad meñ na mere kafan meñ hai

karte qubūl maut ġharīb-ul-vatan magar

kis jā vo lutf paate jo ḳhāk-e-vatan meñ hai

'mīsam' ye talḳh lahja ye shikve shikāyateñ

kyā hai jo itnī ājizī tere suḳhan meñ hai

aankhen thakan se chur hain larzish badan mein hai

KHushbu bahaar-o-rang kahan ab chaman mein hai

girta hai saKHtiyon ke sabab yun wo rahgir

quwwat na hausla na junun jaan-o-tan mein hai

sahra ki dhup mein jo jhulasta hai umr-bhar

puchho ki kitni tishnagi us ke dahan mein hai

mere lahu se pyas bujhaenge kuchh aziz

itni muKHalifat meri apne watan mein hai

rakkho mere janaze se shikwe zara se dur

itni jagah lahad mein na mere kafan mein hai

karte qubul maut gharib-ul-watan magar

kis ja wo lutf pate jo KHak-e-watan mein hai

'misam' ye talKH lahja ye shikwe shikayaten

kya hai jo itni aajizi tere suKHan mein hai