آنکھوں آنکھوں میں اشارے ہو گئے
آنکھوں آنکھوں میں اشارے ہو گئے
ہم تمہارے تم ہمارے ہو گئے
ہم سمجھتے تھے کہ ہو جائیں گے پار
وائے قسمت تیز دھارے ہو گئے
رہتے اوروں کے سہارے کب تلک
خود ہی ہم اپنے سہارے ہو گئے
جب بھی آیا کوئی وقت امتحان
دوست جتنے تھے کنارے ہو گئے
چڑھ کے نظروں میں ہوئے تھے سر بلند
گر کے نظروں سے بچارے ہو گئے
ایک دو کا ذکر کیا عالمؔ یہاں
کتنوں ہی کے وارے نیارے ہو گئے
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
