aankhon ko intishaar hai dil be-qarar hai
aankhon ko intishaar hai dil be-qarar hai
Iqbal Husain Rizvi Iqbal
MORE BYIqbal Husain Rizvi Iqbal
āñkhoñ ko intishār hai dil be-qarār hai
ai aane vaale aaqā tirā intizār hai
bālīñ pe vaqt-e-naz.a koī sharmsār hai
ai zindagī palaT ki tirā intizār hai
allāh rī ye nazākat-e-yak-jalva-e-nigāh
ḳhud un kā husn un kī tabī.at pe baar hai
jiine pe iḳhtiyār na marne pe iḳhtiyār
sadqe is iḳhtiyār ke kyā iḳhtiyār hai
qismat judā sahī pa haqīqat to ek hai
jo sham-e-bazm hai vahī sham-e-mazār hai
tum duur ho to laakh bahāreñ bhī haiñ ḳhizāñ
tum paas ho agar to ḳhizāñ bhī bahār hai
iqbāl aaj shahr-e-nigārāñ meñ merā dil
is par nisār hai kabhī us par nisār hai
aankhon ko intishaar hai dil be-qarar hai
ai aane wale aaqa tera intizar hai
baalin pe waqt-e-naza koi sharmsar hai
ai zindagi palaT ki tera intizar hai
allah ri ye nazakat-e-yak-jalwa-e-nigah
KHud un ka husn un ki tabiat pe bar hai
jine pe iKHtiyar na marne pe iKHtiyar
sadqe is iKHtiyar ke kya iKHtiyar hai
qismat juda sahi pa haqiqat to ek hai
jo sham-e-bazm hai wahi sham-e-mazar hai
tum dur ho to lakh bahaaren bhi hain KHizan
tum pas ho agar to KHizan bhi bahaar hai
iqbaal aaj shahr-e-nigaran mein mera dil
is par nisar hai kabhi us par nisar hai
- Book : SAAZ-O-NAVA (Pg. 43)
- Publication : Raghu Nath suhai ummid
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
