aankhon ko meri KHwab suhane nahin deta

āñkhoñ ko mirī ḳhvāb suhāne nahīñ detā

vo ab ye ḳharābe bhī basāne nahīñ detā

chal nikle bū-e-gul to kahīñ kī nahīñ rahtī

be-ghar ko yahāñ koī Thikāne nahīñ detā

tasvīr ujāloñ kī dikhātā hai vo mujh ko

ik sham.a magar ghar meñ jalāne nahīñ detā

fardā se na rakh ishrat-e-māzī kī tamanna

ye vaqt kabhī guzre zamāne nahīñ detā

mohtāt hai utnā ki ba-hangām-e-mulāqāt

dīvār takalluf kī girāne nahīñ detā

mañjdhār meñ rakhtā hai mujhe vaqt hamesha

kashtī ko kisī ghaaT lagāne nahīñ detā

aankhon ko meri KHwab suhane nahin deta

wo ab ye KHarabe bhi basane nahin deta

chal nikle bu-e-gul to kahin ki nahin rahti

be-ghar ko yahan koi Thikane nahin deta

taswir ujalon ki dikhata hai wo mujh ko

ek shama magar ghar mein jalane nahin deta

farda se na rakh ishrat-e-mazi ki tamanna

ye waqt kabhi guzre zamane nahin deta

mohtat hai utna ki ba-hangam-e-mulaqat

diwar takalluf ki girane nahin deta

manjdhaar mein rakhta hai mujhe waqt hamesha

kashti ko kisi ghaT lagane nahin deta