aankhon ko thi jo KHub se bhi KHub-tar talash

āñkhoñ ko thī jo ḳhuub se bhī ḳhūb-tar talāsh

kar paayā aaj tak na koī ham-safar talāsh

har aadmī hai zo.am-e-qayādat meñ mubtalā

kis se kahūñ ki mere liye rāhbar talāsh

Daste haiñ har qadam pe masā.il ke kaale naag

ab aur dasht-e-shahr meñ ajgar na kar talāsh

chehroñ kī bhiiḌ meñ bhī jo pahchān le tujhe

bijlī ke qahqahoñ meñ na kar vo nazar talāsh

lafzoñ ke tiir tarkash-e-lab meñ rakhe haiñ sab

yāroñ kī āstīn meñ ḳhanjar na kar talāsh

jal ke jo ḳhaak ho ga.ī us kā na kar malāl

kar le chaman meñ dūsrī shāḳh-e-shajar talāsh

aatā hai sab nazar magar aatā nahīñ nazar

karte haiñ kuchh bahāna mire chārāgar talāsh

aankhon ko thi jo KHub se bhi KHub-tar talash

kar paya aaj tak na koi ham-safar talash

har aadmi hai zoam-e-qayaadat mein mubtala

kis se kahun ki mere liye rahbar talash

Daste hain har qadam pe masail ke kale nag

ab aur dasht-e-shahr mein ajgar na kar talash

chehron ki bhiD mein bhi jo pahchan le tujhe

bijli ke qahqahon mein na kar wo nazar talash

lafzon ke tir tarkash-e-lab mein rakhe hain sab

yaron ki aastin mein KHanjar na kar talash

jal ke jo KHak ho gai us ka na kar malal

kar le chaman mein dusri shaKH-e-shajar talash

aata hai sab nazar magar aata nahin nazar

karte hain kuchh bahana mere chaaragar talash