آنکھوں میں اشک دل میں کیوں کر گلہ نہ آئے

آنکھوں میں اشک دل میں کیوں کر گلہ نہ آئے

حالت پہ میری میرے اپنے ہی مسکرائے

چاہت کی رہگزر میں اکثر ہی میں نے پائے

دل کی زمیں کے اوپر مایوسیوں کے سائے

کانٹے چبھونے والو یہ وہ بدن ہے جس نے

سورج بھی آزمایا شعلے بھی آزمائے

اپنے ہی دوستوں نے جتنے دئے تھے مجھ کو

سب زخم سل گئے ہیں کوئی آئے دل دکھائے

حسرت ہی رہ گئی ہے مالک مری جہاں میں

کوئی تو ہو جو مجھ کو چاہت سے بھی بلائے

لوگوں نے بے بسی میں دیکھا جب آ کے مجھ کو

کچھ خوب مسکرائے کچھ مسکرا نہ پائے

میں نے یہ ٹھان لی ہے سہہ لوں گا ہنس کے سارے

تقدیر اب کے مجھ پر جتنے ستم بھی ڈھائے