aankhon mein ashk la ke gunahgar ho gae

āñkhoñ meñ ashk lā ke gunahgār ho ga.e

ḳhvāboñ ke saare qasr bhī mismār ho ga.e

tum qatl bhī karo to koī tazkira nahīñ

ham lab-kushā hue to ḳhatāvār ho ga.e

kal tak ġhubār-e-rāh bhī jin ko na thī nasīb

vo log aaj qāfila-sālār ho ga.e

baiThe haiñ log ghar meñ dukāneñ liye hue

kūche hamāre shahr ke bāzār ho ga.e

phir se tabāh hogī ye duniyā kī anjuman

tūfān-e-nūh aane ke āsār ho ga.e

achchhe-bhale the tum se agar ham mile na the

tum se mile to muft meñ bīmār ho ga.e

aankhon mein ashk la ke gunahgar ho gae

KHwabon ke sare qasr bhi mismar ho gae

tum qatl bhi karo to koi tazkira nahin

hum lab-kusha hue to KHatawar ho gae

kal tak ghubar-e-rah bhi jin ko na thi nasib

wo log aaj qafila-salar ho gae

baiThe hain log ghar mein dukanen liye hue

kuche hamare shahr ke bazar ho gae

phir se tabah hogi ye duniya ki anjuman

tufan-e-nuh aane ke aasar ho gae

achchhe-bhale the tum se agar hum mile na the

tum se mile to muft mein bimar ho gae