aankhon mein bas raha hai ada ke baghair bhi
āñkhoñ meñ bas rahā hai adā ke baġhair bhī
dil us ko sun rahā hai sadā ke baġhair bhī
khilte haiñ chand phuul bayābāñ meñ be-sabab
girte haiñ kuchh daraḳht havā ke baġhair bhī
maiñ huuñ vo shāh-baḳht ki darbār-e-husn meñ
chaltā hai apnā kaam vafā ke baġhair bhī
munsif ko sab ḳhabar hai magar boltā nahīñ
mujh par huā jo zulm sazā ke baġhair bhī
bandoñ ne jab se kaam sambhālā hai dahr kā
nāzil hai roz qahr ḳhudā ke baġhair bhī
urdu ġhazal ke dam se vo tahzīb bach ga.ī
miTne kā jis ke gul thā fanā ke baġhair bhī
aankhon mein bas raha hai ada ke baghair bhi
dil us ko sun raha hai sada ke baghair bhi
khilte hain chand phul bayaban mein be-sabab
girte hain kuchh daraKHt hawa ke baghair bhi
main hun wo shah-baKHt ki darbar-e-husn mein
chalta hai apna kaam wafa ke baghair bhi
munsif ko sab KHabar hai magar bolta nahin
mujh par hua jo zulm saza ke baghair bhi
bandon ne jab se kaam sambhaala hai dahr ka
nazil hai roz qahr KHuda ke baghair bhi
urdu ghazal ke dam se wo tahzib bach gai
miTne ka jis ke gul tha fana ke baghair bhi
- Book : Kulliyat-e-Hasan Naim (Pg. 237)
- Author : Ahmad Kafeel
- Publication : Qaumi Council Baraye Farogh-e-urdu Zaban (2006)
- Edition : 2006
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
