aankhon mein chand KHwab-numa tir gaD gae

āñkhoñ meñ chand ḳhvāb-numā tiir gaḌ ga.e

bahte lahū ke Dar se papoTe sikuḌ ga.e

maiñ aag ke qarīb se guzrā na thā kabhī

ThanDak kī narm dhuup se dhāge udhaḌ ga.e

kuchh beḌiyoñ ne ḳhasta kiyā jism-o-jān ko

manzar tak aate aate mire paañv jhaḌ ga.e

kaisī dalīleñ kaisī munājāt kuchh nahīñ

tujh se bichhaḌnā thā jinheñ ḳhud se bichhaḌ ga.e

māñgī na thī duā kabhī maiñ ne phir ek shab

uThne kī der thī ki mire haath jhaḌ ga.e

aankhon mein chand KHwab-numa tir gaD gae

bahte lahu ke Dar se papoTe sikuD gae

main aag ke qarib se guzra na tha kabhi

ThanDak ki narm dhup se dhage udhaD gae

kuchh beDiyon ne KHasta kiya jism-o-jaan ko

manzar tak aate aate mere panw jhaD gae

kaisi dalilen kaisi munajat kuchh nahin

tujh se bichhaDna tha jinhen KHud se bichhaD gae

mangi na thi dua kabhi main ne phir ek shab

uThne ki der thi ki mere hath jhaD gae