aankhon mein hai par aankh ne dekha nahin abhi

āñkhoñ meñ hai par aañkh ne dekhā nahīñ abhī

vo but jise ki maiñ ne tarāshā nahīñ abhī

lafzoñ ke pattharoñ meñ sanam be-shumār haiñ

mere hī paas soch kā tesha nahīñ abhī

sadiyoñ se naqsh hai jo tasavvur pe shāhkār

kāġhaz pe us kā aks utārā nahīñ abhī

barsoñ se mere sar pe hai TukḌā ik abr kā

jal-bujh chukā hai jism vo barsā nahīñ abhī

jiine se bhar chukā hai dil-e-zār kyā karūñ

marne kī ārzū-o-tamannā nahīñ abhī

mānind-e-mulk-e-rome luTī ghar kī saltanat

yāroñ ye sāneha mujhe bhūlā nahīñ abhī

'shāhid' nigār ḳhāna-e-sad-rañg hai jahāñ

phir bhī vo naqsh aañkh se utrā nahīñ abhī

aankhon mein hai par aankh ne dekha nahin abhi

wo but jise ki main ne tarasha nahin abhi

lafzon ke pattharon mein sanam be-shumar hain

mere hi pas soch ka tesha nahin abhi

sadiyon se naqsh hai jo tasawwur pe shahkar

kaghaz pe us ka aks utara nahin abhi

barson se mere sar pe hai TukDa ek abr ka

jal-bujh chuka hai jism wo barsa nahin abhi

jine se bhar chuka hai dil-e-zar kya karun

marne ki aarzu-o-tamanna nahin abhi

manind-e-mulk-e-rome luTi ghar ki saltanat

yaron ye saneha mujhe bhula nahin abhi

'shahid' nigar KHana-e-sad-rang hai jahan

phir bhi wo naqsh aankh se utra nahin abhi