aankhon mein haya aa jati hai honTon pe tabassum late hain

āñkhoñ meñ hayā aa jaatī hai hoñToñ pe tabassum laate haiñ

vo mujh pe sitam jab karte haiñ tasvīr-e-karam ban jaate haiñ

ab aap ināyat karne kī taklīf hī kyuuñ farmāte haiñ

din yuuñ bhī guzarne hī Thahre din yuuñ bhī guzar hī jaate haiñ

allāh re ḳhas-o-ḳhāshāk se ye hañs hañs ke chaTānoñ kā kahnā

vo tūfāñ ko kyā samjheñge jo tūfāñ meñ bah jaate haiñ

ik samt musalsal ummīdeñ ik samt musalsal mahrūmī

kab tak ye uThe bār-e-hastī shāne haiñ ki TuuTe jaate haiñ

ab aisī karam kī bātoñ se dabtī haiñ kahīñ dil kī choTeñ

tum jitnā miTāte jaate ho ye naqsh ubharte aate haiñ

is daur-e-pareshānī meñ kabhī vo vaqt bhī aatā hai 'ālī'

kuchh dil bhī dhoke khātā hai kuchh vo bhī karam farmāte haiñ

aankhon mein haya aa jati hai honTon pe tabassum late hain

wo mujh pe sitam jab karte hain taswir-e-karam ban jate hain

ab aap inayat karne ki taklif hi kyun farmate hain

din yun bhi guzarne hi Thahre din yun bhi guzar hi jate hain

allah re KHas-o-KHashak se ye hans hans ke chaTanon ka kahna

wo tufan ko kya samjhenge jo tufan mein bah jate hain

ek samt musalsal ummiden ek samt musalsal mahrumi

kab tak ye uThe bar-e-hasti shane hain ki TuTe jate hain

ab aisi karam ki baaton se dabti hain kahin dil ki choTen

tum jitna miTate jate ho ye naqsh ubharte aate hain

is daur-e-pareshani mein kabhi wo waqt bhi aata hai 'ali'

kuchh dil bhi dhoke khata hai kuchh wo bhi karam farmate hain