aankhon mein jo basa tha wo kajal kahan gaya

āñkhoñ meñ jo basā thā vo kājal kahāñ gayā

thā zabt jis ke dam se vo bādal kahāñ gayā

ham jis ke saath shauq se nikle the sair ko

vo ham-safar kahāñ hai vo jañgal kahāñ gayā

kartā thā shahr meñ jo mohabbat se guftugū

ma.alūm hai kisī ko vo pāgal kahāñ gayā

maujeñ bhī us ke paas uThīñ nazm-o-zabt se

sāhil kī jaan thā jo vo dībal kahāñ gayā

phailī huī thī jis ke taqaddus kī raushnī

āñkheñ talāsh meñ haiñ vo āñchal kahāñ gayā

'bāno' jo ġham milā mujhe qismat se ab vahī

le kar kisī kī yād-e-musalsal kahāñ gayā

aankhon mein jo basa tha wo kajal kahan gaya

tha zabt jis ke dam se wo baadal kahan gaya

hum jis ke sath shauq se nikle the sair ko

wo ham-safar kahan hai wo jangal kahan gaya

karta tha shahr mein jo mohabbat se guftugu

malum hai kisi ko wo pagal kahan gaya

maujen bhi us ke pas uThin nazm-o-zabt se

sahil ki jaan tha jo wo dibal kahan gaya

phaili hui thi jis ke taqaddus ki raushni

aankhen talash mein hain wo aanchal kahan gaya

'bano' jo gham mila mujhe qismat se ab wahi

le kar kisi ki yaad-e-musalsal kahan gaya