aankhon mein jo manzar hai wo manzar nahin milta

āñkhoñ meñ jo manzar hai vo manzar nahīñ miltā

kyā vaqt paḌā hai ki mirā ghar nahīñ miltā

duniyā se banātā huuñ to duniyā nahīñ miltī

shīsha huuñ maiñ shīshe se to patthar nahīñ miltā

dekhā to gayā tā.ifa-e-dair-o-haram meñ

aape meñ magar mard-e-qalandar nahīñ miltā

ye kaisī qayāmat hai ki shāhīn bacha bhī

phailā.e havā meñ kahīñ shah-par nahīñ miltā

afkār haiñ yaḳh-basta lahakte nahīñ dekhe

dāmān-e-yaqīñ barq kā ḳhūgar nahīñ miltā

sahrā kī udāsī to simaT aa.ī hai lekin

'rizvāñ' tirī āñkhoñ meñ samundar nahīñ miltā

aankhon mein jo manzar hai wo manzar nahin milta

kya waqt paDa hai ki mera ghar nahin milta

duniya se banata hun to duniya nahin milti

shisha hun main shishe se to patthar nahin milta

dekha to gaya taifa-e-dair-o-haram mein

aape mein magar mard-e-qalandar nahin milta

ye kaisi qayamat hai ki shahin bacha bhi

phailae hawa mein kahin shah-par nahin milta

afkar hain yaKH-basta lahakte nahin dekhe

daman-e-yaqin barq ka KHugar nahin milta

sahra ki udasi to simaT aai hai lekin

'rizwan' teri aankhon mein samundar nahin milta