aankhon mein meri abr-e-rawan aur tarah ke

āñkhoñ meñ mirī abr-e-ravāñ aur tarah ke

dil meñ bhī ka.ī dasht-e-tapāñ aur tarah ke

haiñ yaas tire tīr-o-kamāñ aur tarah ke

lafzoñ ke sipar mere yahāñ aur tarah ke

ahbāb sunāte haiñ koī aur kahānī

haiñ mere harīfoñ ke bayāñ aur tarah ke

ajdād virāsat meñ ghuTan chhoḌ ga.e haiñ

ta.amīr kareñ ab ke makāñ aur tarah ke

ye baat bahāroñ pe hī mauqūf nahīñ hai

mausam haiñ mire saath javāñ aur tarah ke

tum apne ko kahte ho judā sab se alag sā

ābshār numāyāñ haiñ kahāñ aur tarah ke

ab sho.ala-e-ḳhas kī bhī koī taab nahīñ hai

allāh mire bāñdh samāñ aur tarah ke

andeshe mujhe gher na leñ kaise bhalā ho

guzre haiñ unheñ bhī to gumāñ aur tarah ke

aankhon mein meri abr-e-rawan aur tarah ke

dil mein bhi kai dasht-e-tapan aur tarah ke

hain yas tere tir-o-kaman aur tarah ke

lafzon ke sipar mere yahan aur tarah ke

ahbab sunate hain koi aur kahani

hain mere harifon ke bayan aur tarah ke

ajdad wirasat mein ghuTan chhoD gae hain

tamir karen ab ke makan aur tarah ke

ye baat bahaaron pe hi mauquf nahin hai

mausam hain mere sath jawan aur tarah ke

tum apne ko kahte ho juda sab se alag sa

aabshaar numayan hain kahan aur tarah ke

ab shoala-e-KHas ki bhi koi tab nahin hai

allah mere bandh saman aur tarah ke

andeshe mujhe gher na len kaise bhala ho

guzre hain unhen bhi to guman aur tarah ke