aankhon mein raat KHwab ka KHanjar utar gaya

āñkhoñ meñ raat ḳhvāb kā ḳhanjar utar gayā

ya.anī sahar se pahle charāġh-e-sahar gayā

is fikr hī meñ apnī to guzrī tamām umr

maiñ us ko thā pasand to kyuuñ chhoḌ kar gayā

aañsū mire to mere hī dāman meñ aa.e the

ākāsh kaise itne sitāroñ se bhar gayā

koī duā kabhī to hamārī qubūl kar

varna kaheñge log duā se asar gayā

niklī hai faal ab ke ajab mere naam kī

sūraj hī vo nahīñ hai jo Dhalne se Dar gayā

pichhle baras havelī hamārī khañDar huī

barsā jo ab ke abr to samjho khañDar gayā

maiñ pūchhtā huuñ tujh ko zarūrat thī kyā 'nizām'

tū kyuuñ charāġh le ke añdhere ke ghar gayā

aankhon mein raat KHwab ka KHanjar utar gaya

yani sahar se pahle charagh-e-sahar gaya

is fikr hi mein apni to guzri tamam umr

main us ko tha pasand to kyun chhoD kar gaya

aansu mere to mere hi daman mein aae the

aakash kaise itne sitaron se bhar gaya

koi dua kabhi to hamari qubul kar

warna kahenge log dua se asar gaya

nikli hai fal ab ke ajab mere nam ki

suraj hi wo nahin hai jo Dhalne se Dar gaya

pichhle baras haweli hamari khanDar hui

barsa jo ab ke abr to samjho khanDar gaya

main puchhta hun tujh ko zarurat thi kya 'nizam'

tu kyun charagh le ke andhere ke ghar gaya