aankhon mein shab utar gai KHwabon ka silsila raha
āñkhoñ meñ shab utar ga.ī ḳhvāboñ kā silsila rahā
maiñ ḳhud ko dekhtā rahā maiñ ḳhud ko sochtā rahā
ḳhud ko pukārtā rahā, koī ḳhabar nahīñ milī
kis kī ḳhabar nahīñ milī, kis ko pukārtā rahā
us kī talāsh hī na thii, apnī talāsh bhī na thī
khone kā ḳhauf kuchh na thaa, phir kaisā fāsla rahā
kuchh mas.ale to ghar ga.e, kuchh mas.ale bikhar ga.e
sab mas.ale guzar ga.e aur ek mas.ala rahā
vo bhī bikhar bikhar gayā maiñ bhī idhar udhar gayā
vo bhī dhuāñ dhuāñ sā kuchh maiñ bhī ġhubār sā rahā
lafzoñ kī shāḳheñ phail kar mere lahū se aa milīñ
kuchh qahqahe uchhal ga.e aur koī chīḳhtā rahā
aankhon mein shab utar gai KHwabon ka silsila raha
main KHud ko dekhta raha main KHud ko sochta raha
KHud ko pukarta raha, koi KHabar nahin mili
kis ki KHabar nahin mili, kis ko pukarta raha
us ki talash hi na thi, apni talash bhi na thi
khone ka KHauf kuchh na tha, phir kaisa fasla raha
kuchh masale to ghar gae, kuchh masale bikhar gae
sab masale guzar gae aur ek masala raha
wo bhi bikhar bikhar gaya main bhi idhar udhar gaya
wo bhi dhuan dhuan sa kuchh main bhi ghubar sa raha
lafzon ki shaKHen phail kar mere lahu se aa milin
kuchh qahqahe uchhal gae aur koi chiKHta raha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
