aankhon mein tha pyar labon par nam wafa ka tha

āñkhoñ meñ thā pyaar laboñ par naam vafā kā thā

kal tak to vo shaḳhs bhī bilkul mere jaisā thā

apnī apnī muTThī meñ sab jugnū rakkhe the

lekin sab kī rāhoñ meñ kitnā añdhiyārā thā

āñdhī aane se pahle hī bachche jaag ga.e

raat havāoñ ke chalne meñ shor balā kā thā

halkī sī bauchhār ne saare naqsh miTā Daale

rang hamārī tasvīroñ kā kitnā kachchā thā

pyaas kī shiddat baḌhte hī mālūm huā ham ko

jaan bachāne meñ sāhil se aage dariyā thā

aaj na jaane kyā kuchh dekh ke chup ho jaatā hai

kal tak ye ā.īna bilkul mere jaisā thā

aankhon mein tha pyar labon par nam wafa ka tha

kal tak to wo shaKHs bhi bilkul mere jaisa tha

apni apni muTThi mein sab jugnu rakkhe the

lekin sab ki rahon mein kitna andhiyara tha

aandhi aane se pahle hi bachche jag gae

raat hawaon ke chalne mein shor bala ka tha

halki si bauchhaar ne sare naqsh miTa Dale

rang hamari taswiron ka kitna kachcha tha

pyas ki shiddat baDhte hi malum hua hum ko

jaan bachane mein sahil se aage dariya tha

aaj na jaane kya kuchh dekh ke chup ho jata hai

kal tak ye aaina bilkul mere jaisa tha