aankhon mein teri chahat ka aisa nasha dekha

āñkhoñ meñ tirī chāhat kā aisā nasha dekhā

maiḳhāne meñ jaise maiñ ne jaam bharā dekhā

vo lab the tire yā vo the mai se bhare pyāle

piite hī use saarī duniyā kā nasha dekhā

chehre pe tire bikhrī zulfoñ kī ghaTā aisī

sāvan meñ qamar ke uupar abr ghirā dekhā

auroñ ke liye jo bhī ho ishq kī taqdīreñ

par maiñ ne to is ke zariye apnā ḳhudā dekhā

ik ḳhvāb jo ham donoñ ne saath meñ dekhā thā

jab aañkh khulī to maiñ ne ḳhud ko judā dekhā

is hijr meñ tanhā.ī se vasl kiyā maiñ ne

is meñ koī maiñ ne dard-o-ġham kā maza dekhā

ye zaḳhm purāne haiñ lekin ye bhare kaise

apnoñ ke sabab se har pal zaḳhm harā dekhā

maut ek tamāshā hai kirdār baneñge sab

duniyā meñ ḳhudā kā bas ye ek vafā dekhā

taftīsh meñ 'kātib' ne ye ziist guzārī par

har ek qadam par ḳhud kā shauq nayā dekhā

aankhon mein teri chahat ka aisa nasha dekha

maiKHane mein jaise main ne jam bhara dekha

wo lab the tere ya wo the mai se bhare pyale

pite hi use sari duniya ka nasha dekha

chehre pe tere bikhri zulfon ki ghaTa aisi

sawan mein qamar ke upar abr ghira dekha

auron ke liye jo bhi ho ishq ki taqdiren

par main ne to is ke zariye apna KHuda dekha

ek KHwab jo hum donon ne sath mein dekha tha

jab aankh khuli to main ne KHud ko juda dekha

is hijr mein tanhai se wasl kiya main ne

is mein koi main ne dard-o-gham ka maza dekha

ye zaKHm purane hain lekin ye bhare kaise

apnon ke sabab se har pal zaKHm hara dekha

maut ek tamasha hai kirdar banenge sab

duniya mein KHuda ka bas ye ek wafa dekha

taftish mein 'katib' ne ye zist guzari par

har ek qadam par KHud ka shauq naya dekha