aankhon mein wo KHwab nahin baste pahla sa wo haal nahin hota

āñkhoñ meñ vo ḳhvāb nahīñ baste pahlā sā vo haal nahīñ hotā

ab fasl-e-bahār nahīñ aatī aur rañj o malāl nahīñ hotā

is aql kī maarī nagrī meñ kabhī paanī aag nahīñ bantā

yahāñ ishq bhī log nahīñ karte yahāñ koī kamāl nahīñ hotā

ham aaj bahut hī pareshāñ haiñ is vaqt ke pher se hairāñ haiñ

hameñ le ke chalo kisī aisī taraf jahāñ hijr o visāl nahīñ hotā

jitnī hai nadāmat tum ko ab utne hī pashīmāñ ham bhī haiñ

tum us kā javāb hī kyuuñ socho ham se jo savāl nahīñ hotā

vo bastī bhī ik bastī thī ye bastī bhī ik bastī hai

vahāñ TuuT ke dil juḌ jaate the yahāñ koī ḳhayāl nahīñ hotā

is shahr kī riit ko aam kareñ jhuk jhuk ke sabhī ko salām kareñ

har kaam to ham kar lete haiñ yahī kaam 'hilāl' nahīñ hotā

aankhon mein wo KHwab nahin baste pahla sa wo haal nahin hota

ab fasl-e-bahaar nahin aati aur ranj o malal nahin hota

is aql ki mari nagri mein kabhi pani aag nahin banta

yahan ishq bhi log nahin karte yahan koi kamal nahin hota

hum aaj bahut hi pareshan hain is waqt ke pher se hairan hain

hamein le ke chalo kisi aisi taraf jahan hijr o visal nahin hota

jitni hai nadamat tum ko ab utne hi pashiman hum bhi hain

tum us ka jawab hi kyun socho hum se jo sawal nahin hota

wo basti bhi ek basti thi ye basti bhi ek basti hai

wahan TuT ke dil juD jate the yahan koi KHayal nahin hota

is shahr ki rit ko aam karen jhuk jhuk ke sabhi ko salam karen

har kaam to hum kar lete hain yahi kaam 'hilal' nahin hota