aankhon pe mar gaya hun ya husn-e-kamal par

āñkhoñ pe mar gayā huuñ yā husn-e-kamāl par

aTkā huā huuñ kab se maiñ bas is savāl par

miTTī kī kis pe hotī hai taqdīr munhasir

kūza-garoñ ke haath pe pahiye kī chaal par

āñkhoñ ko us kī dekh ke aisā lagā mujhe

us ke bahut savāl haiñ mere savāl par

ab aap kī nasīhatoñ se bhar gayā hai man

so chhoḌ dījiye mujhe mere hī haal par

kahte the ḳhair-ḳhvāh jo ḳhud ko kabhī merā

chhup-chhup ke hañs rahe haiñ vo mere zavāl par

is shart pe hī dūñgā tujhe apne saare rang

gustāḳh nazreñ na gireñ raanī gulāl par

aankhon pe mar gaya hun ya husn-e-kamal par

aTka hua hun kab se main bas is sawal par

miTTi ki kis pe hoti hai taqdir munhasir

kuza-garon ke hath pe pahiye ki chaal par

aankhon ko us ki dekh ke aisa laga mujhe

us ke bahut sawal hain mere sawal par

ab aap ki nasihaton se bhar gaya hai man

so chhoD dijiye mujhe mere hi haal par

kahte the KHair-KHwah jo KHud ko kabhi mera

chhup-chhup ke hans rahe hain wo mere zawal par

is shart pe hi dunga tujhe apne sare rang

gustaKH nazren na giren rani gulal par